Xabaringiz bor, sal avval farg`onalik informatika fani o`qituvchisi Odinaxon Yo`ldoshevaning Olimpiadaga olib chiqqan barcha o`quvchilari viloyat fan olimpiadasida mutloq g`oliblikni qo`lga kiritgani yurtdoshlarimizning e`tirofiga sazovor bo`lgandi.
Bugun o`qituvchi va o`quvchilarning ko`rsatgan yutuqlariga Farg`ona viloyati hokimi Hayrullo Bozorov Yaypan shahar 65-maktab internatiga bir sinf kompyuter jamlanmasi sovg`a qildi. Bu haqda Xalq ta`limi vazirligi Matbuot xizmati xabar bermoqda.
Sovg`ani viloyat hokimi o`rinbosari Fayzullo Qosimov maktab o`quvchi va o`qituvchilari bilan dildan suhbatda bo`lib, o`quvchilarga bundan-da yuqori cho`qqilarni zabt etishlarini tilagan holda topshirdi.
Ma`lumot uchun: Xalq ta`limi vaziri Sherzod Shermatov Farg`ona viloyatiga amalga oshirgan tashrifi doirasida Odinaxon Yo`ldoshevaga Xalq ta`limi fidoyisi unvonini taqdim etgandi.
O`qituvchini trendga chiqargani uchun bloger Isroil Tillaboevga esa vazir tomonidan zamonaviy noutbuk taqdim etilgan.
