Amerikalik Walt Disney mediakorporasiyasi 2016 yilning birinchi choragida “Yulduzlar jangi” filmining ettinchi epizodi ekranga chiqishi munosabati bilan rekord darajada daromad ko`rdi, deya xabar berildi korporasiyaning moliyaviy axborotida.
Film namoyishi tugatilgan birinchi chorakda, u keltirgan sof foyda 2,88 milliard dollarni tashkil qildi, bu to`rtinchi chorakdagi foydadan 32 foiz ko`pdir. Walt Disney korporasiyasining birinchi chorakdagi umumiy tushumi 15,2 milliard dollardan iborat bo`lgan (14 foiz yuqori).
Walt Disney Studio Entertainment ko`ngilochar ko`rsatuvlar tayyorlaydigan bo`limining daromadi 86 foizga, ya`ni 1 milliard dollarga, suvenir va o`yinchoqlar tayyorlanadigan bo`limning daromadi esa 23 foizga o`sgan.
“Yulduzlar jangi” filmining kutilmagan muvaffaqiyati natijasida kompaniyamiz tarixida ilk marotaba yuqori darajada choraklik daromadga ega bo`ldik”, – dedi Walt Disney kompaniyasi prezidenti Robert Ayger.
“Yulduzlar jangi: Kuchlarning uyg`onishi” filmi omma e`tiboriga 2015 yilning 16 dekabrida havola etilgan. 21 dekabr kuni esa dunyo kinoprokati tarixida rekord natija o`rnatib, 528 million dollar mablag` to`plagani ma`lum bo`lgan.
Filmning davomi 2017 va 2019 yillarda suratga olinishi rejalashtirilgan, sakkizinchi epizod hali nomlanmagan. Bosh qahramonlar rolini ettinchi epizodda suratga tushgan Jon Boyega va Deyzi Ridlilar o`ynashi taxmin qilinmoqda. “Yulduzdar jangi” fantastik kinoepopeya bo`lib, rejissyor Jorj Lukas tomonidan yaratilgan
