Rim Papasi barcha mamlakatlarga o`lim jazosini bekor qilishni so`rab murojaat qildi, deya xabar berdi “Euronews” nashri.
U Vatikanning Avliyo Pyotr maydonida yakshanba xutbasida “oliy jazo”ga doir mavzuni ko`tardi. Joriy yil Rim-katolik cherkovida “Mehr-shafqat” yili deb e`lon qilinganligi sababli Rim Papasi o`lim jazosini bekor qilishni so`radi.
U “Inson jinoyatchi bo`lsa ham Yaratgan bergan umrni yashashga haqli, zamonamizda jinoyatchilikka qarshi kurashish uchun insonni qatl etish shart emas”, deya fikr bildirdi.
Amnesty International huquqni muhofaza qilish tashkilotining bergan ma`lumotiga ko`ra, bugungi kunda 22 mamlakatda o`lim jazosi hali ham qo`llaniladi.
