Bugun tadbirkor va kichik biznes vakillari faoliyat yuritishi, investisiyalarni jalb qilish uchun davlatimiz tomonidan barcha imkoniyatlar yaratilgan. Shuningdek, tadbirkorlarning qonuniy manfaatlarini himoya qilishning huquqiy kafolatlarini mustahkamlash mexanizmi mavjud.
O`zbekiston Respublikasi Prezidentining 2019 yil 14 may kunidagi “Tadbirkorlik faoliyatini qo`llab-quvvatlash va himoya qilish tizimini tubdan takomillashtirish chora-tadbirlari to`g`risida”gi Farmonida “Har bir oila-tadbirkor” dasturi va tadbirkorlarning kichik va o`rta biznesni rivojlantirishga yo`naltirilgan tashabbuslarini o`z vaqtida amalga oshirish, tadbirkorlar, shu jumladan, chet ellik investorlar uchun kafolatli muhit yaratish borasida bir qator ishlar amalga oshirilmoqda.
Byuro organlari tomonidan tadbirkorlar foydasiga undiruv bilan bog`liq sud hujjatlari va boshqa organlar ijro hujjatlari ijrosini tezkorlik bilan ta`minlab, tadbirkorlik sub`ektlarining huquq va qonuniy manfaatlarini himoya qilish borasida ishlar olib borilmoqda.
- Byuroning Qorako`l tuman bo`limi ish yurituvidagi Qorako`l tumanlararo iqtisodiy sudining 05.01.2021 yildagi ijro hujjatiga qarzdor Obodonlashtirish boshqarmasidan undiruvchi “STAR-ARCH” MChJ foydasiga 168 mln. so`m;
- Qorako`l tumanlararo sudining 15.02.2021 yildagi ijro hujjatiga asosan qarzdor Obodonlashtirish boshqarmasidan undiruvchi “ARXITEKTOR STORY PROYEKT” xususiy korxonasi foydasiga 76,4 mln. so`m;
- Romitan tumanlararo iqtisodiy sudining 05.01.2021 yildagi ijro hujjatiga asosan qarzdor Neftgaz korxonasidan undiruvchi Qorako`l ixtisoslashgan davlat o`rmon xo`jaligi foydasiga foydasiga 272,7 mln so`m undirib berilishi ta`minlandi.
Ijro hujjatlari amalda tamomlandi.
