2021 yilning 10 aprel kuni 50 yoshli N.Madina Namangan shahar 5-kichik tumanida joylashgan “Yashil dehqon bozori”da jinoyatga qo`l urdi. Bu haqda IIV huzuridagi Tergov departamenti xabar berdi.
U bozorga xarid uchun kelgan fuqaro 36 yoshli A.Ra`noning yonidagi bolalar aravachasidan “Samsung J 7” rusumli telefon apparati va 445 000 so`m pullarini yashirin ravishda o`g`irlab olmoqchi bo`ladi. Buni A.Ra`no ko`rib qolib, telefonini tortib olishga uringan vaqtida N.Madina uni qo`li bilan itarib yuborib, hayoti uchun xavfli bo`lmagan zo`rlik ishlatib, 445 000 so`m pullarini ochiqdan-ochiq talon-toroj qilib hodisa joyidan qochib ketayotganida ushbu hududda xizmat olib borayotgan IIB xodimlari tomonidan qo`lga olingan.
Mazkur holat yuzasidan Namangan shahri bo`yicha IIO FMB huzuridagi Tergov bo`limi tomonidan N.Madinaga nisbatan O`zbekiston Respublikasi Jinoyat kodeksining 166-moddasi 2-qismi “a” bandi (Talonchilik) bilan jinoyat ishi qo`zg`atilib, gumon qilinuvchi tariqasida jalb qilingan.
