2021 йилнинг 10 апрель куни 50 ёшли Н.Мадина Наманган шаҳар 5-кичик туманида жойлашган “Яшил деҳқон бозори”да жиноятга қўл урди. Бу ҳақда ИИВ ҳузуридаги Тергов департаменти хабар берди.
У бозорга харид учун келган фуқаро 36 ёшли А.Раънонинг ёнидаги болалар аравачасидан “Samsung J 7” русумли телефон аппарати ва 445 000 сўм пулларини яширин равишда ўғирлаб олмоқчи бўлади. Буни А.Раъно кўриб қолиб, телефонини тортиб олишга уринган вақтида Н.Мадина уни қўли билан итариб юбориб, ҳаёти учун хавфли бўлмаган зўрлик ишлатиб, 445 000 сўм пулларини очиқдан-очиқ талон-торож қилиб ҳодиса жойидан қочиб кетаётганида ушбу ҳудудда хизмат олиб бораётган ИИБ ходимлари томонидан қўлга олинган.
Мазкур ҳолат юзасидан Наманган шаҳри бўйича ИИО ФМБ ҳузуридаги Тергов бўлими томонидан Н.Мадинага нисбатан Ўзбекистон Республикаси Жиноят кодексининг 166-моддаси 2-қисми “а” банди (Талончилик) билан жиноят иши қўзғатилиб, гумон қилинувчи тариқасида жалб қилинган.
