Milliy teatr va kino san`atimizning taniqli namoyandasi, O`zbekiston xalq artisti Mirza Azizov og`ir kasallikdan so`ng shu yil 15 aprel kuni 58 yoshida vafot etgani xabar berilgan edi.
O`zbekiston Respublikasi Prezidenti Shavkat Mirziyoev aktyor vafoti munosabati bilan hamdardlik bildirdi.
Mirza Azizov 1963 yili Namangan viloyatining Chust shahrida tug`ilgan. 1987 yili Toshkent teatr va rassomlik san`ati instituti (hozirgi O`zbekiston davlat san`at va madaniyat instituti)ni musiqali drama aktyori ixtisosligi bo`yicha tamomlagan.
Mehnat faoliyatini 1989 yilda Muqimiy nomidagi o`zbek davlat musiqiy teatrida vokal artisti sifatida boshlab, 1992-1997 yillar davomida O`zbek davlat drama teatrida ham samarali ijod qildi.
Mirza Azizov ko`p yillik serqirra ijodiy faoliyati mobaynida noyob iste`dodi va yuksak mahorati bilan teatr sahnasi va kino san`atida tomoshabinlar qalbidan chuqur joy olgan o`nlab yorqin obrazlar yaratdi.
Iste`dodli aktyor “Yusuf va Zulayho”, “Farhod va Shirin”, “Nodirabegim”, “Alpomishning qaytishi”, “Toptalgan tuyg`u” kabi mashhur spektakllarda, “Ko`ngil ko`chalari”, “Ostona”, “Imom Buxoriy”, “Muhabbat sinovlari”, “Tubanlik”, “Muruvvat”, “Gumrohlar”, “Novda” kabi ko`plab kinofilmlarda betakror xarakter va dunyoqarashga ega bo`lgan turli shaxslar siymosini mohirona talqin etib, minglab san`at muxlislari va keng jamoatchilikning hurmat-e`tiborini qozondi.
O`z faoliyatining ma`no-mazmunini xalqimizga, jonajon Vatanimizga sidqidildan xizmat qilishda, deb bilgan san`at fidoyisi mamlakatimizda o`tkazib kelinayotgan barcha ommaviy-madaniy tadbirlarning faol ishtirokchisi edi.
U 2016 yildan boshlab Muqimiy nomidagi o`zbek davlat musiqiy teatri direktori lavozimida samarali mehnat qilib, 80 yillik shonli tarixga ega ushbu san`at dargohining moddiy-texnik bazasi va kadrlar salohiyatini mustahkamlash, repertuar tarkibini zamonaviy va tarixiy asarlar bilan boyitishga, iqtidorli aktyorlarni tarbiyalashga munosib hissa qo`shdi.
Katta ijod va hayot tajribasiga ega bo`lgan M.Azizov xalqimiz, avvalambor, yoshlarimizning madaniy saviyasini yuksaltirish, ularni milliy va umuminsoniy qadriyatlar, ezgulik va vatanparvarlik ruhida tarbiyalash, ma`naviy hayotimizni turli tahdid va xurujlardan himoya qilish yo`lida chinakam fidoyilik namunasini ko`rsatdi.
Mirza Azizovning o`zbek teatr va kino san`atini rivojlantirish borasidagi xizmatlari davlatimiz tomonidan munosib taqdirlandi. U “O`zbekiston Respublikasida xizmat ko`rsatgan artist”, “O`zbekiston xalq artisti” faxriy unvonlari bilan mukofotlangan edi.
Taniqli san`atkor, samimiy va kamtarin inson Mirza Azizovning yorqin xotirasi qalblarimizda hamisha saqlanib qoladi.
Sh.Mirziyoev, T.Norboeva, N.Ismoilov,
A.Aripov, O.Nazarbekov, Yo.Sa`diev
21.10.2022, 13:45
Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...13.10.2022, 11:20
O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...29.08.2022, 11:46
Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...17.08.2022, 16:42
Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...