Davlatimiz rahbari Matbuot kotibining telegram kanalidagi ma`lumotga ko`ra, mamlakatimizdagi diplomatik missiyasi tugayotgani munosabati bilan Jon MakGregorga Prezident Shavkat Mirziyoevning minnatdorlik maktubi o`qib eshittirildi.
Elchi yuksak e`tibor uchun davlatimiz rahbariga tashakkur izhor etdi.
Suhbatda Jon MakGregorning O`zbekistondagi faoliyati samarali bo`lgani, hamkorlikda ko`plab loyihalar amalga oshirilgani ta`kidlandi. Tajribali diplomatning kelgusi ishlariga muvaffaqiyat tilab, ezgu istaklar bildirildi.
Eslatib o`tamiz, Jon MakGregor 2019 yil 1 sentyabr — Mustaqillik kunini nishonlash arafasida O`zbekiston Prezidenti uni «Do`stlik» ordeni bilan taqdirlagan.
Jon Makgregor yaqinda EXHTning Turkmanistondagi missiyasining rahbari etib tayinlandi.
O`zbekistonda uning o`rnini shveysariyalik diplomat Per fon Arks egallaydi.
