Zangiotada davolanayotgan bemorlarga vaksinasiya qilinmaydi. Bu haqda Koronavirusga qarshi kurashish shtabi a`zosi Sevara Ubaydullaeva ma`lum qildi.
Vaksinalar – kasallikni oldini olishga qaratilgan vositalar bo`lib, ularni inson organizmiga yuborish uchun eng muhim omil – sog`lom davrda bo`lishlikdir, ya`ni o`tkir yoki surunkali kasalliklarni tinch davrida emlashni o`tkazish kerak.
Vaksinasiya ikki xil vaqtda:
- koronavirus infeksiyasi bilan umuman kasallanmagan, ya`ni organizmga infeksiya tushmaganda;
- inson organizmiga infeksiya tushgan, kasallanib tuzalgan va 3 yoki 6 yoki 9 oy o`tib, qonda kasallikka qarshi ishlab chiqilgan antitanachalar titri kamaygan yoki umuman tushib ketgan holatlarda emlashni o`tkazish tavsiya etiladi.
Zangiotada koronavirus kasalligi bilan og`ir holatda davolanayotgan bemorlar organizmiga afsuski, infeksiya tushib bo`lgan va kasallik o`tkir yoki o`tkir osti davrida, shuningdek, bemorlar organizmida kasallik oqibatidan og`ir jarayon kechayotgan davri bo`lib, bu davrda emlash tavsiya etilmaydi.
Organizmga koronavirus infeksiyasini tushishi, kasallikni boshlanishini bildiradi va bu bemorlarga bu vaqtda vaksinasiya emas, balki tasdqilangan protokollar asosida davolash muhimdir.
