"Barselona" hujumchisi Neymarning shaxsiy vertolyoti Braziliya hukumati tomonidan musodara qilindi. Bu haqda ispan nashrlari xabar bergan.
Ma`lumotlarga ko`ra, futbolchi "Santos" klubida to`p surgan vaqtlarida soliq to`lamagan va soliq qarzi hozirgi kunda 16 mln dollarni tashkil qiladi. Shu sababdan, mamlakat hukumati uning 3,8 mln dollarlik vertolyotini musodara qilgan.
Bundan avval, Neymarning bir qator mol-mulki, shaxsiy samolyoti va yaxtasi musodara qilingandi. Uning soliq to`lashdan bosh tortayotgani borasidagi surishtiruv ishlari davom etmoqda.
