2021 yil aprel oyining boshlarida 28 yoshli A.Halim tanishi 37 yoshli I.Orzigulni Turkiya davlatiga shahvoniy maqsadlarda niyatida aldov yo`li bilan uning ishonchiga kirib, unga Turkiya davlatidan yaxshi ish topib berishini va u erga ketishida ham yordam berishini va`da qiladi. Unga tegishli fuqarolik pasportini egallab, I.Orzigulni fuqaro “S” ga 1000 AQSh dollar evaziga sotishga kelishib, 2021 yil 27 aprel kuni soat 22:00 larda Pastdarg`om tumani Tinchlik mahallasida joylashgan kafelardan birida fuqaro “S” bilan savdolashib, 1000 AQSh dollardan 800 AQSh dollarni olayotgan vaqtida viloyat IIB TEQKB va Pastdarg`om tumani IIB TEQKG xodimlari tomonidan qo`lga olingan.
Mazkur holat yuzasidan Pastdarg`om tumani IIB huzuridagi Tergov bo`limi tomonidan A.Halimga nisbatan O`zbekiston Respublikasi Jinoyat kodeksining 135-moddasi 1-qismi (odam savdosi) bilan jinoyat ishi qo`zg`atilgan.
Hozirda tergov harakatlari olib borilmoqda, deyiladi IIV huzuridagi Tergov departamenti xabarida.
