Bu haqda ayni paytda bo`lib o`tayotgan brifingda Prezident matbuot kotibi Sherzod Asadov ma`lum qildi, deya xabar bermoqda "Darakchi" muxbiri.
Prezident matbuot kotibi Sherzod Asadov brifingda o`z nutqi avvalida OAV vakillarini 3-may Jahon matbuot erkinligi kuni bilan tabrikladi.
Shundan so`ng, Prezident matbuot xizmati tomonidan davlat rahbari faoliyatini yoritish uchun jalb qilingan davlat va nodavlat OAV vakillari ishtirokidagi rolik namoyish qilindi.
Brifingda Sherzod Asadov davlat rahbarining o`tgan hafta ish jadvalidagi muhim voqealarga qo`shimcha izohlar berdi.
Kelayotgan haftada davlat rahbari ishtirokida kutilayotgan tadbirlar:
- Korrupsiyaga qarshi kurash masalalari bo`yicha videoselektor o`tkaziladi. Davlat organlari rahbarlarining hisoboti eshitiladi.
- Chet tillarini o`qitish tizimini takomillashtirish bo`yicha yig`ilish, Tokio olimpiadasiga sportchilarimizni tayyorlash hamda qishloq xo`jaligi sohasini transformasiya qilish bo`yicha taqdimotlar bo`lishi rejalashtirilgan.
