"Fuqarolarning davlat pensiya ta`minoti to`g`risida"gi Qonunga o`zgartirish va qo`shimchalar kiritilmoqda. Bu haqda Oliy Majlis quyi palatasining deputati Rasul Kusherbaev ma`lum qildi.
O`zgartirish va qo`shimchalarga ko`ra:
- 2021 yil 1 iyundan keyingi davr uchun-jismoniy shaxs tomonidan mehnatga haq to`lash tarzidagi o`z daromadlaridan ishlamaydigan turmush o`rtog`i uchun ixtiyoriy ravishda ijtimoiy soliq to`lagan davr ish stajiga qo`shib hisoblanishi;
- 2005 yil 1 yanvardan avvalgi davrlar uchun ish staji shaxsning mehnat daftarchasidagi (elektron mehnat daftarchasidagi) mavjud yozuvlar asosida qo`shimcha tasdiqlovchi hujjatlar talab etilmasdan hisoblanishi belgilanmoqda.
- Pensioner vafot etgan oy uchun olinmay qolgan pensiya puli ko`rsatib o`tilgan oila a`zolariga u vafot etgan oy uchun to`liq to`lanadigan bo`ladi.
Amalda esa pensioner vafot topgunga qadar o`tgan kunlari uchun to`lanardi.
Shuningdek, tekshirish o`tkazilayotgan sanaga qadar uch yil va undan avval tayinlangan yoki qo`shimcha taqdim etilgan hujjatlarga asosan qayta hisoblangan pensiyalar tekshirilishi hamda ular bo`yicha pensiya miqdoridagi ortiqcha pullar to`langanligi aniqlangan holatlarda ortiqcha to`langan summalarni undirilishiga yo`q qo`yilmasligi belgilab qo`yilmoqda.
Oddiy aytganda agar kimgadir adashib ko`proq pensiya to`lab kelingan bo`lsa, buni qaytarish talab qilinmaydi.
Afsuski amalda bu kabi hollarda pensionerlarni norozi qilib, pulni qaytartirish holatlari bo`lgan edi. Ushbu qonun qabul qilinsa endi bunday bo`lmaydi.
Qonun loyihasi deputatlar tomonidan birinchi o`qishda qabul qilindi.
