Joriy yil 8 may kuni Belarus Respublikasi Mogilyov viloyatining Bixov shahrida Ikkinchi jahon urushida halok bo`lgan qahramon askarlar xotirasiga bag`ishlangan tadbir tashkil etildi.
Xotira tadbiri, xususan, o`zbekistonlik qahramon jangchi G`ulom Yoqubov xotirasiga bag`ishlandi.
Marosimda Bixov shahri markazida qahramonlar xotirasiga bag`ishlab barpo etilgan yodgorlik majmuasi tantanali ravishda ochildi.
Marosim shahar ma`muriyati, O`zbekiston, Qirg`iziston, Tojikiston va Rossiya diplomatiya vakolatxonalari hamda ushbu mamlakatlarning Belarusdagi diasporalari vakillari ishtirokida o`tkazildi. Unda 40 nafarga yaqin urush veterani va jamoatchilik vakillari qatnashdi.
