Ijtimoiy tarmoqlarda urgutlik yigitning pul sochayotgani aks etgan lavha ko`plab yurtdoshlarimiz orasida turli muhokamalarga sabab bo`ldi.
Holat Samarqand viloyati IIB tomonidan o`rganib chiqildi.
Aniqlanishicha, Urgut tumani “Vag`ashti” mahallasida yashovchi, 1991 yilda tug`ilgan N.J. Ramazon hayiti munosabati bilan qarindosh va qo`shnilarini mehmondorchilikka chaqirib, ularning farzandlarini xursand qilish maqsadida ustilariga pul sochgan.
N.J. bilan olib borilgan suhbat davomida u qilgan ishidan chin ko`ngildan pushaymonligini bildirdi.
Fuqaro va uning yaqin qarindoshlari bilan kelgusida bu kabi holatlarga yo`l qo`ymaslik borasida profilaktik suhbat o`tkazilib, fuqaroga nisbatan tegishli tartibda ma`muriy bayonnoma rasmiylashtirildi.
