Toshkentda madaniyat-san`at, sport, axborot texnologiyalari, kitobxonlik, tadbirkorlikni qamrab olgan «Toshkent Besh tashabbus harakati» festivali boshlandi. Mazkur yoshlar tadbiri 5 kun davom etadi.
Ushbu festivalga bag`ishlangan matbuot anjumanida Toshkent shahar hokimi tadbir byudjeti haqida ma`lumot berdi. Ta`kidlanishicha, tadbir uchun sarflangan dastlabki xarajatlar 1 mlrd so`mni tashkil etgan. Bu summa festival qo`shimcha tanlovlari, qo`shimcha tadbirlari evaziga oshishi mumkin.
“Bu tadbir besh kun deyilgani bilan, agar yoshlarga ma`qul keladigan bo`lsa, muddat uzayishi mumkin. Shu boisdan ajratilgan mablag`lar miqdori ham o`sish ehtimoli bor. ”, dedi Toshkent shahar hokimi.