Jahon sog`liqni saqlash tashkiloti ma`lumotlariga ko`ra, dunyoda koronavirus infeksiyasini yuqtirganlar soni 164 million nafardan ortiqni tashkil etdi, kasallikdan vafot etganlar dunyo bo`yicha 3,4 million nafardan oshib ketdi. Bu haqda Sog`liqni saqlash vazirligi Matbuot xizmati ma`lum qildi.
Shu bilan birga, dunyo bo`yicha koronavirusga qarshi 1,5 milliard dozadan ortiq vaksina qo`llanilgan.
Yurtimizda esa kasallanish ko`rsatkichi 98657 nafarga etib, ulardan 680 nafari vafot etgan. Tibbiyot muassasalarida 3834 nafar bemor davolanmoqda.
O`tgan hafta yurtimizda 1 apreldan beri qo`llanilgan vaksina miqdori 1,6 million dozadan oshdi. 8 hududda 100 ming dozadan ortiq vaksinadan foydalanilib, Farg`ona viloyati bu ko`rsatkich bo`yicha 200 ming dozalik marradan ham oshdi.
