Bu haqda AOKAda utkazilaetgan matbuot anjumanida Yoshlar ishlari agentligi axborot xizmati rahbari Nodir Abduqodirov ma`lum qildi:
«2017 yildan boshlab an`ana tarzda yurtimizda har yili 30 iyun — Yoshlar kuni sifatida nishonlab kelinmoqda. Joriy yil ham iyun oyi davomida barcha hududlarda «Yangi O`zbekiston yoshlari, birlashaylik!» shiori ostida «Yoshlar oyligi» tashkil etiladi.
«Yoshlar oyligi» doirasida Qoraqalpog`iston Respublikasida «Bo`zatov Respublika yoshlar ovozi» festivali, Sirdaryo viloyatida «Bag`rikeng O`zbekiston — umumiy uyimiz» millatlararo do`stlik festivali, Farg`ona viloyatida «Talabalar bahori — 2021» festivali, Surxondaryo viloyatida «Munozara» intellektual respublika turniri, Xorazm viloyatida «Yoshlar — O`zbekistonning bebaho xazinasi» festivali kabi barcha viloyatlarni qamrab oladigan yoshlar festivallari, tanlovlar, uchrashuvlar va aksiyalar tashkil etiladi.
Respublika bo`yicha jami 4 mln. 300 mingdan ziyod (14-30 yoshdagilarning 41 foizi) yoshlarni quyidagi 6 ta ustuvor yo`nalishdagi loyiha va tadbirlar orqali qamrab olish rejalashtirilmoqda».