Jinoyat ishlari bo`yicha Yashnobod tuman sudi tomonidan tumandagi “Tarnovboshi” mahallasining guzarida probasiya hisobidagi mahkumlar bilan bog`liq sayyor sud majlisi o`tkazildi. Bu haqda Toshkent shahar sudining Jamoatchilik va OAV bilan hamkorlik bo`yicha bosh konsultanti Sadoqat Allaberganova xabar qildi.
Profilaktika hisobidagi 358 nafar shaxslar bilan bevosita muloqot o`tkazilib, muammolar ko`lami o`rganildi, ularni bartaraf etish bo`yicha mutasaddilarga yo`nalish va takliflar berildi. Jinoyat ishlari bo`yicha Yashnobod tuman sudi sudyasi Qaxramon Mirsafaev Toshkent shahar Yashnobod tuman IIO Probasiya bo`linmasi boshlig`i tomonidan kiritilgan 17 nafar mahkumning taqdimnomasini to`plangan hujjatlar asosida ko`rib chiqdi.
Qaxramon Mirsafaev, jinoyat ishlari bo`yicha Yashnobod tuman sudi sudyasi:
— Yashnobod tuman IIO Probasiya bo`linmasi boshlig`ining Jinoyat kodeksining 73-moddasiga asosan ozodlikni cheklash jazosidan shartli ravishda ozod qilish haqidagi 17 nafar mahkumga nisbatan kiritgan taqdimnomasi atroflicha o`rganildi. 13 nafar mahkumning qilgan ishidan pushaymonligi, o`ziga tegishli xulosa chiqarib olgani, jazo muddatinining belgilangan qismini haqiqatda o`tab, o`rnatilgan tartib-qoida talablarini bajarib, mehnatga halol munosabatda bo`lganligi va tuzalish yo`liga o`tganligini e`tiborga olinib taqdimnomalar qanoatlantirildi. Ular tayinlangan jazoning o`talmagan muddatidan ilgari shartli ozod qilindi.
4 nafar mahkum esa jazo o`tash qonun qoidalari bilan tanishtirilgan bo`lishi, ogohlantirish tarzidagi intizomiy jazo ham olganidan to`g`ri hulosa chiqarmagani bois ularning ozodlikni cheklash jazosiozodlikdan mahrum qilish jazosiga almashtirildi.
Xususan, JIB Toshkent viloyati Chirchiq shahar sudining 2020 yil 27 oktyabrdagi hukmiga ko`ra, 27 yoshli mahkumga JKning 179-moddasi, 189-moddasi 1-qismi, 190-moddasi 2-qismi “a,v” bandlari va 227-moddasi 1-qismi bilan, JKning59-moddasi tartibida 2 yil muddatga ozodlikni cheklash jazosi tayinlangan. Mahkum 2021 yil 5 aprel soat 23:25 da yashash joyi o`rganilganda uyida yo`qligi aniqlanib, shu kuni holat bo`yicha ogohlantirish tarzidagi intizomiy jazo qo`llanilgan. Bundan to`g`ri hulosa chiqarmay, 25 may soat 22:25 da yashash joyi o`rganilganda yana uyida yo`qligi aniqlangan. Shu sababli o`talmay qolgan 1 yil 7 oy 15 kunozodlikni cheklash jazosini shu muddatga ozodlikdan mahrum qilish jazosiga almashtirildi. Jazo manzil-koloniyalarda o`tash belgilandi.
