Surxondaryo viloyatida qurilish materiallari, engil, charm, oziq-ovqat, elektrotexnika, mahalliy sanoat kabi “drayver” sohalar jadal rivojlantiriladi. Prezident Shavkat Mirziyoev qurilish materiallari uchun ham xom ashyo resurslaridan samarali foydalanish kerakligini ta`kidlab, shu o`rinda, qurilish materiallari korxonalari uchun o`z mahsulotini eksport qilishda transport xarajatlari va kredit foizlarini qisman qoplab berish kabi imtiyozlarni joriy qilish taklifini berdi, deya xabar qilmoqda “Darakchi” muxbiri Sardorbek Rahmonqulov.
Bu bo`yicha investisiya va tashqi savdo vaziri Sardor Umurzoqovga bir hafta muddatda qurilish materiallari sanoati salohiyatini oshirish bo`yicha qaror loyihasini kiritish topshirig`i berildi.
Shu o`rinda, yana bir muhim masala – viloyatda etarli e`tibor berilmayotgan mahalliy sanoatkorxonalarini qo`llab-quvvatlash uchun import o`rnini bosuvchi ijtimoiy-maishiy tovarlar:
- bolalar o`yinchoqlari;
- qog`oz;
- mebel;
- plastmassa va rezina buyumlar va hk. ishlab chiqaruvchi mahalliy sanoat korxonalarini mamlakatimizda ishlab chiqarilmaydigan xom ashyo va yarim fabrikatlarni import qilishda 2026 yil 1 iyulgacha bojxona to`lovlari to`lashdan ozod qilish bo`yicha Prezident topshiriq berdi.
Mavzuga doir:
4 ta tuman tadbirkorlari 2024 yilgacha ayrim soliqlardan ozod qilinadi, shuningdek...
Surxondaryoda g`alladan bo`shagan erlar aholiga 10 yil muddatgacha ijaraga beriladi
