SSV Matbuot xizmatining ushbu savoliga vazirlik huzuridagi Koronavirusga qarshi kurashish shtabi a`zosi, tibbiyot fanlari doktori Sevara Ubaydullaeva javob berdi:
– Vaksina olish uchun havf guruhiga kiruvchilar ro`yxatida bo`lib, elektron ro`yxatdan o`tgan bo`lsangiz, oilaviy poliklinikada vaksinani tanlov asosida olishingiz mumkin.
Ayrim tibbiyot muassasalarida vaksinasiya zaxirasi va etkazib berishda vaqtinchalik uzilishlar bo`lishi mumkin.
Bunday holat aynan qaysi xudud va tibbiyot muassasada bo`lganligi haqida to`liq ma`lumot bo`lsa, nima uchun sizga aynan bitta vaksinani tavsiya qilishgani bo`yicha ma`lumot bera olamiz.
Lekin shuni aytishimiz kerakki, vaksinasiya jarayoni va qamrab olinayotganlar to`g`risidagi ma`lumotlar to`liq o`rganilmoqda, maxsus ishchi guruxlar tashkil etilib, joylarda vaksinasiya jarayonining tashkil etilganligi, mavjud muammo va qiyinchiliklar taxlili qilinmoqda. Shuningdek, bu kabi holatlarni bartaraf etish ishlari ham olib borilmoqda.
