Bugun, 16 iyun kuni Kinematografiya agentligida rejissyor, ssenarist, klipmeyker va prodyusser Timur Bekmambetov bilan uchrashuv tashkil etildi.
Agentlik rahbariyati, kinoijodkorlar va yoshlar ishtirokida bo`lib o`tgan uchrashuvda rejissyor o`zining samarali ijodiy faoliyati haqida gapirib berdi. Shuningdek, suhbat davomida rejissyor tomonidan Kinematografiya agentligi huzuridagi “Yoshlik kinostudiyasi"ning yosh kinoijodkorlari uchun mahorat darsi tashkil etildi.
Timur Bekmambetov faoliyati davomidagi kasbiy tajribalarini yoshlar bilan bo`lishib, zamonaviy kinorejissyor, kinoprodyusser qanday bo`lishi kerakligini chet ellik kinomutaxassislari tajribalari misolida so`zlab berdi. Rejissyor uchrashuv so`ngida yoshlar bilan o`tgan samimiy muloqot o`zida iliq taassurot qoldirganini ta`kidladi.
Timur Bekmambetov 1961 yil 25 iyunda Qozog`istonning Gurev shahrida tug`ilgan. Bugungi kunda u Qozog`iston va Rossiyaning etakchi rejissyorlaridan biri hisoblanadi.
Kinematografiya agentligi Axborot xizmati
