O`zbekiston va Qoraqalpog`iston xalq artisti Ozodbek Nazarbekov muxlislari hukmiga yangi taronani taqdim etdi.
“Mehring sabab” deb nomlangan albomidan joy olgan “Jigi-jigi” taronasida Lutfiy g`azali kuylangan. Tarona musiqasi Nodir Umarov tomonidan bastalangan, musiqiy sayqal esa Dilmurod Matkarimovga tegishli.
Shov-shuv.uz sayti asoschisi Jasur Hamroev qo`shiq haqida fikr bildirar ekan, shunday deb yozadi:
“Lola”dan beri biror qo`shig`i ommalashmagan xalq artistining yangi taronasi bazm-u jamshidlarning bosh qo`shig`iga aylansa, ajabmas. Qo`shiq naqoratidagi ajoyib so`zning ketma-ket takrorlanishi tinglovchi xotirasida qolish uchun bir “hiyla”dek go`yo! Ozodbekning aksariyat hamkasblaridan ajraladigan jihati qo`shiq so`zlariga teran e`tiboridir. Balki, shu boisdan san`at olimpidagi o`rnini hech kimga bermay kelayotir. Hozirgi kunda omma qalbiga yo`l topish ham oson emas. Tildan-tilga tushadigan hammabop qo`shiq yaratmasang, reyting qurg`ur ham pastlab ketadi. Hali xitlar yaratishda etakchi ekanligini isbot etish uchun xonanda “jigi-jigi” so`zini qo`shiqning “bosh nuqta”siga aylantirgandir?!
Lutfiy g`azalnavis sifatida Sharq adabiyotida muhim ahamiyat kasb etgan adabiy-estetik an`analar bilan xalq og`zaki ijodiyoti tajriba tamoyili va usullarini yuksak mahorat ila uyg`unlashtirgan. (Agar shu fikrga tayansak, demak, uning ijodida “jigi-jigi” degan “o`ynoqi” so`zga ham o`rin ajratilgan!?) Ozodbek Lutfiyni kuyga solgani tahsinga loyiq. Biroq, qo`shiqda tinmay “jigi-jigi”lashi sal me`riyodan oshmaganmikan?!”, deb yozadi Jasur Hamroev.
Xullas yangi taronaga eng haqqoniy bahoni muxlis beradi, shunday ekan uni tinglang va baho bering!
21.12.2021, 10:56
Bir muddat avval Madaniyat vaziri Ozodbek Nazarbekov 20 dekabr kuni poytaxtda “Toshkent yoshlar forumi–2021” doirasida yoshlar bilan uchrashgani haqida yozgandik.Ushbu uchrashuvdan so`ng, vazir bir guruh...20.12.2021, 21:48
Madaniyat vaziri Ozodbek Nazarbekov 20-dekabr kuni poytaxtda “Toshkent yoshlar forumi–2021” doirasida yoshlar bilan bo`lib o`tgan uchrashuvda ijtimoiy tarmoqlarda vazirlik xodimlarining do`ppi kiyishi haqidagi muhokamalar bo`yicha...30.05.2021, 13:40
Xabaringiz bor, O`zbekistonning turli mintaqalarida festival va konsert dasturlari o`tkazilmoqda. Misol uchun Andijonda yoshlar festivali, Namanganda gullar festivali, Buxoroda ipak va ziravorlar festivali. O`zbekiston Respublikasi...24.04.2021, 15:06
Madaniyat vaziri Ozodbek Nazarbekov otasining tobi yo`qligini aytib ijtimoiy tarmoqlarda videomurojaat yo`lladi."Haqiqatdan ham otamizning biroz toblari yo`q. Allohga shukrki, kechagidan ancha yaxshi tomonga o`zgarish bo`ldi....