Avvalroq, ijtimoiy tarmoqlarda xonanda Sanjayning poytaxt tozaligiga qayg`urib, fuqarolarni vatanparvarlikka, bir bo`lishga chaqirgan videolari tarqalgan edi. Shundan so`ng, Toshkent shahar hokimligi xonandaning mazkur chiqishiga o`z munosabat bildirib, uni poytaxt tumanlaridan birining Obodonlashtirish boshqarmasiga rahbar lavozimiga taklif qilgan edi.
Ayni paytda hashar ishlarini Ko`kcha masjidi oldidan boshlagan xonanda Sanjay Toshkent shahar hokimiga javob qaytardi, deya yozmoqda "rost24".
Ijtimoiy tarmoqlarda trendga chiqqan videoda "Menga shahar hokimligi ruxsatnoma bersin, ekologiyaga aloqador tashkilotlarga so`zim o`tsin, shaharni 6 oyda top-toza qilib qo`yaman", deya aytgan xonanda Sanjay bugun hashar jarayonlarini boshlab yubordi.
Xonanda o`z harakatlariga izoh berar ekan, qilayotgvn ishlari piardan yiroq ekanini ta`kidlaydi.
"Tozalash ishlariini qilayotganim uchun trendga chiqishim mumkin emas, bu oddiy ish. Trendga chiqishim uchun kim bilandir urushgan bo`lishim kerak. Agar piar qilish niyatim bo`lsa, ikkita yaxshi qo`shiq yozishim mumkin yoki biror odamni borib bir shapaloq tushirishim kerak. Agar bu ishimni piar deb hisoblayotgan bo`lishsa, bu xalq foydasiga qilinayotgan piar. Meni Shayxotohur tumani obodonlashtirish boshqarmasiga ishga taklif qilishdi, ammo bu erlarni tozalashim va bu ishlarni qilishim uchun menga lavozim kerak emas", - deydi Sanjay.
