Аввалроқ, ижтимоий тармоқларда хонанда Санжайнинг пойтахт тозалигига қайғуриб, фуқароларни ватанпарварликка, бир бўлишга чақирган видеолари тарқалган эди. Шундан сўнг, Тошкент шаҳар ҳокимлиги хонанданинг мазкур чиқишига ўз муносабат билдириб, уни пойтахт туманларидан бирининг Ободонлаштириш бошқармасига раҳбар лавозимига таклиф қилган эди.
Айни пайтда ҳашар ишларини Кўкча масжиди олдидан бошлаган хонанда Санжай Тошкент шаҳар ҳокимига жавоб қайтарди, дея ёзмоқда "rost24".
Ижтимоий тармоқларда трендга чиққан видеода "Менга шаҳар ҳокимлиги рухсатнома берсин, экологияга алоқадор ташкилотларга сўзим ўтсин, шаҳарни 6 ойда топ-тоза қилиб қўяман", дея айтган хонанда Санжай бугун ҳашар жараёнларини бошлаб юборди.
Хонанда ўз ҳаракатларига изоҳ берар экан, қилаётгвн ишлари пиардан йироқ эканини таъкидлайди.
"Тозалаш ишлариини қилаётганим учун трендга чиқишим мумкин эмас, бу оддий иш. Трендга чиқишим учун ким биландир урушган бўлишим керак. Агар пиар қилиш ниятим бўлса, иккита яхши қўшиқ ёзишим мумкин ёки бирор одамни бориб бир шапалоқ туширишим керак. Агар бу ишимни пиар деб ҳисоблаётган бўлишса, бу халқ фойдасига қилинаётган пиар. Мени Шайхотоҳур тумани ободонлаштириш бошқармасига ишга таклиф қилишди, аммо бу ерларни тозалашим ва бу ишларни қилишим учун менга лавозим керак эмас", - дейди Санжай.
