Turkiya davlatining Anqara madaniyat va san`at klubi rahbari Metin O`zaslan Buxoro viloyatiga tashrif buyurdi. Bu haqda "darakchi.uz"ga Buxoro viloyati Turizmni rivojlantirish departamenti xabar qildi.
Mehmon Buxoro shahridagi tarixiy obidalar, muqaddas qadamjolarni ziyorat qilib, O`zbekiston davlat filarmoniyasi Buxoro viloyat bo`linmasi ansamblari bilan yaqindan tanishdi.
Muloqot chog`ida kelajakda turkiy tilli xalqlar madaniyati va san`atini keng targ`ib qilish bo`yicha qo`shma loyihalar, konsertlar hamda madaniy tadbirlar o`tkazish rejalari belgilandi.
Tashrif yakunida Metin O`zaslan ishtirokida Buxoro shahridagi Nodir Devonbegi hamda toqi sarrafon tarixiy obidalarida jamoa ansambllari bilan ijodiy uchrashuv tashkil qilinib, kichik konser dasturi namoyish qilindi.
