Kinematografiya agentligi buyurtmasiga binoan "Brand pro media" kinostudiyasi tomonidan Mahmudxo`ja Behbudiy haqida hujjatli film tasvirga olinmoqda. Bu haqda Kinematografiya agentligi Axborot xizmati ma`lum qildi.
Filmda taniqli dramaturg, publisist, jamoat arbobi Behbudiyning hayot va ijod yo`li haqida hikoya qilinadi. Film ssenariy muallifi Abduxamid Muxtorov, rejissyor Ibrohim Ahmedov, operator Sardor Anvarov. Hujjatli filmning suratga olish ishlari Samarqand va Toshkentda bo`lib o`tishi rejalashtirilgan.
O`tgan yil rejissyor Baqo Sodiqovning "Mahmudxo`ja Behbudiy" tarixiy-badiiy filmining premerasi bo`lib o`tgan edi. O`zbekiston mustaqilligining 30 yilligi bag`ishlab mazkur badiiy film asosida 6 qismli serial ham yaratildi. "Mahmudxo`ja Behbudiy" serialining ssenariy mualliflari Baqo Sodiqov va Ulug`bek Sodiqov, rejissyor Baqo Sodiqov.
