Ijtimoiy tarmoqlarda "Xorazm viloyati Yangibozor tumanida 30 yillik daraxtlar kesilmoqda" sarlavhasi ostida tarqalgan videomurojaat yuzasidan o`rganish ishlari olib borildi. Bu haqda Xorazm viloyati Ekologiya va atrof muhitni muhofaza qilish boshqarmasi axborot xizmati xabar bermoqda.
O`rganish natijalariga ko`ra, Yangibozor tumani Yangiyop mahallasida joylashgan Yangibozor istiroxat bog`i hududida velosiped yo`lakchasi barpo etish maqsadida Yangibozor tuman Obodonlashtirish boshqarmasi tomonidan noqonuniy ravishda 28 tup daraxt kesilgani aniqlandi.
Aniqlangan holat yuzasida Xorazm viloyati Ekologiya boshqarmasi tomonidan tegishli tartibda ma`muriy bayonnomalar rasmiylashtirilib, tabiatga etkazilgan zararlar hisoblanmoqda.
Holat yuzasidan yana qo`shimcha ma`lumotlar beramiz.
