Koronavirusga qarshi kurash shtabi a`zosi Sevara Ubaydullaevaning aytishicha, bugungi kunda Sog`liqni saqlash vazirligining rasmiy tarmoqlarida e`lon qilinayotgan statistik ma`lumotlar kunlik nazoratini kuzatish mumkin.
Ba`zida ko`tarilish, ba`zida tushish qayd etilayotganiga qaramay, o`rtacha qiymat bir xil darajada ushlanib turibdi.
Uning so`zlariga ko`ra, karantin qoidalarining kuchaytirilishi bo`yicha talablar mavjud. Unda yangi kasallanganlar, mavjud davolash maskanlari va resurslar hamda kasallanganlar va tuzalayotganlar solishtiriladi, belgilangan chegara holatdan ortsa, shu vaqtda karantin kuchaytirilishi belgilanadi.
