Turkmanistonning Turkmanboshi shahrida Markaziy Osiyo davlatlari rahbarlarining navbatdagi maslahat uchrashuvi doirasida Markaziy Osiyo etakchi ayollari muloqotining navbatdagi majlisi o`z ishini boshladi. Unda O`zbekiston Respublikasi Oliy Majlisi Senati Raisi Tanzila Narbaeva ishtirok etmoqda.
Majlisda Markaziy Osiyo mamlakatlari tomonidan gender tenglikka erishish siyosatini amalga oshirish xususida fikr almashish, mintaqa xotin-qizlarining siyosiy, savdo-iqtisodiy, madaniy-gumanitar sohalardagi hamkorligi masalalari muhokama qilinishi ko`zda tutilgan.
Shuningdek, Markaziy Osiyo etakchi ayollari muloqoti deklarasiyasini qabul qilish va Etakchi ayollar muloqoti ishtirokchilarining Markaziy Osiyo davlatlari rahbarlariga murojaat qilishi rejalashtirilgan.
