Ijtimoiy tarmoqda "YPX xodimi fuqaroga kuch ishlatdi va jarima tuzib avtomobilini jarima maydoniga joylashtirdi" izohi keltirilgan video tarqaldi. Holat yuzasidan YHXBB izoh berdi.
Mazkur holat yuzasidan fuqaro F.Z.ga nisbatan YPX xodimi tomonidan qonuniy talablarini bajarmaganligi bo`yicha rasmiylashtirilgan bayonnoma va to`plangan hujjatlar 2021 yil 5 avgust kuni jinoyat ishlari bo`yicha Ohangaron tumani sudida o`rganib chiqilib, fuqaro F.Z. O`zbekiston Respublikasi Ma`muriy javobgarlik to`g`risidagi Kodeksning 194-moddasi 1-qismida nazarda tutilgan ma`muriy huquqbuzarlikni sodir etganlikda aybli deb topildi va unga nisbatan ushbu modda bilan BHMning ikkidan bir qismi - 122.500 (bir yuz yigirma ikki ming besh yuz) so`m miqdorida jarima jazosi qo`llanilishi belgilandi.
