Yondosh kasalligi bo`lgan bemor koronavirusdan uy sharoitida davolanishi mumkinmi? Ushbu savol bilan Tibbiyot xodimlarining kasbiy malakasini rivojlantirish markazi kafedra mudiri, tibbiyot fanlari doktori, professor Ulug`bek QAYuMOVga quyidagicha javob berdi:
— Ma`lumki, yurtimizda koronavirus infeksiyasi bilan kasallangan bemorlarni davolash bo`yicha 8-versiya standartlari ishlab chiqilgan bo`lib, bemorlar uy sharoitida ham ana shu standartlarga rioya qilgan holda davolanishlari maqsadga muvofiq. Shu ma`noda aytsak, agar yondosh kasalligi bo`lgan bemorning tana harorati 38 darajadan oshmasa va isitma ko`tarilishi surunkali davom etmasa, shuningdek, nafas olishi, yurak urishi bir me`yorda bo`lsa, bunday hollarda koronavirusdan uy sharoitida davolanish mumkin bo`ladi. Biroq qandli diabetga chalingan bemorning qonida qand miqdorining oshishi yoki tushib ketishi kuzatilsa, ular albatta stasionar sharoitda davolanishi lozim. Qon bosimi me`yordan oshib yoki tushib ketganda ham shifoxonaga yotish kerak bo`ladi. Agar koronavirusga chalingan bemorning qandli diabet xastaligi bo`lsa-yu, qonda qand miqdori me`yorda tursa, bunday kasallar uyda davolanishlari mumkin. Shuni bilish kerakki, hozirda shifoxonaga og`ir ahvolda murojaat qilayotganlarning aksariyati uyda o`zboshimchalik bilan davolangan bemorlardir. Ya`ni, ular kasallikni davolash uchun o`z vaqtida to`g`ri muolaja qilmagan. Shu bois, odamlardan turli davo usullarini eshitib, davolanish to`g`ri emas. Uy sharoitida davolanganda albatta shifokor nazoratida bo`lish zarur.
23.01.2023, 11:20
Jahon sog`liqni saqlash tashkilotining immunizasiya va vaksinasiya masalalari bo`yicha direktori Keyt O’Brayen koronavirusga qarshi emlash vositalari samaradorligi va xavfsizligi haqida bayonot berdi. Bu haqda SSV...
23.12.2022, 20:25
20 dekabr kuni bir kunda Xitoyda 37 million kishi koronavirus bilan kasallandi. Bu haqda Bloomberg agentligi Xitoy sog`liqni saqlash milliy komissiyasining yopiq yig`ilishiga tayanib xabar...
06.09.2022, 09:07
Yangi to`lqindagi koronavirus belgilari SARSga o`xshaydi va pnevmoniya va bronxit kamroq tarqalgan, deydi shifokorlar. Bu haqda "stopkoronavirus.rf" saytida xabar qilindi. Yangi to`lqinda COVID-19 ning oldini olish...
20.07.2022, 10:34
Kecha, 19 iyul kuni O`zbekistonda yana 70 nafardan ziyod kishida koronavirus aniqlandi, deya xabar bermoqda SSV matbuot xizmati. Shu bilan, 2022 yil 19 iyul holatiga ko`ra,...
