Sevimli

Ma`muriy sudga murojaat qilish tartibi qanday? Oliy sud javob berdi

Jamiyat 16.08.2021, 17:37
Teglar: Sud, ariza
Ma`muriy sudga murojaat qilish tartibi qanday? Oliy sud javob berdi

Fuqarolar va yuridik shaxslar ma`muriy sudlarga murojaat etish chog`ida ariza yoki shikoyatning shakli va mazmuniga nisbatan qo`yilgan talablarga to`liq amal qilmaydilar. Bunday e`tiborsizlik sudga taqdim etilgan arizani qabul qilishni rad etish yoxud uni qaytarishga asos bo`ladi. Natijada ortiqcha ovoragarchiliklar yuzaga kelishi mumkin.

 Xo`sh, arizaning shakli va mazmuni qanday bo`lishi kerak? Ushbu savolga AOKAda o`tkazilgan brifingda O`zbekiston Respublikasi Oliy sudi axborot xizmati rahbari Aziz Abidov javob berdi.

Ma`lum qilinishicha, ma`muriy sud ishlarini yuritish to`g`risidagi kodeksning 128-moddasiga ko`ra, birinchi navbatda ariza yoki shikoyat berilayotgan sudning nomi aniq ko`rsatilishi kerak. Masalan, hozirgi kunda Toshkent shahri va viloyat markazlarida tumanlararo ma`muriy sudlar tashkil qilinganini hisobga olib, Toshkent tumanlararo yoki boshqa viloyat tumanlararo ma`muriy sudiga deb ko`rsatish maqsadga muvofiq. Qonunchilikka ko`ra ariza yoki shikoyatda sudning nomini to`g`ri ko`rsatmaslik ham uning ko`rmasdan qaytarilishiga asos bo`ladi.

 Shuningdek, arizada:

 ishda ishtirok etuvchi shaxslarning nomi (familiyasi, ismi va otasining ismi);

 joylashgan eri (pochta manzili) yoki yashash joyi;

 arz qilingan talablarga asos bo`lgan holatlar (agar ular mavjud bo`lsa);

 arz qilingan talablarning asoslarini tasdiqlovchi dalillar;

 arizachining qonun hujjatlariga asoslab keltirgan talablari, talab bir nechta javobgarga nisbatan taqdim etilganda esa ularning har biriga nisbatan talablar;

 ustidan shikoyat qilinayotgan qarorning nomi, raqami, u qabul qilingan sana;

 ustidan shikoyat qilinayotgan harakatlar yoki harakatsizlik sodir etilgan sana va joy; 

 arizachining fikriga ko`ra, ustidan shikoyat qilinayotgan qaror, harakatlar yoki harakatsizlik tufayli uning buzilayotgan huquqlari, erkinliklari va qonuniy manfaatlari to`g`risidagi ma`lumotlar;

 arizachining fikriga ko`ra, ustidan shikoyat qilinayotgan qarorning, harakatlarning yoki harakatsizlikning qaysi qonun hujjatiga zid ekani; 

 arizachining qarorni haqiqiy emas, harakatlarni yoki harakatsizlikni qonunga xilof deb topish to`g`risidagi talabi ko`rsatilishi kerak.

Sharhlar

Sud tizimida qator tayinlovlar amalga oshirildi

10.10.2021, 15:23

Bugun bo`lib o`tgan Sudyalar oliy kengashining navbatdagi yig`ilishida qator tayinlovlar amalga oshirildi. Bu haqda O`zbekiston Respublikasi Sudyalar oliy kengashi axborot xizmati ma`lum qildi.Kengash qaroriga ko`ra:Namazbaeva Saragul...
Toshkentda onlayn qimorda paynet kassasidagi pullarni yutqazish oqibatida o`ziga pichoq urgan talabaga hukm o`qildi

25.08.2021, 17:42

“Yolg`onning umri qisqa”, degan ibora hammamizga yaxshi tanish. Haqiqatan ham bu gapda yuz foiz jon bor. Yolg`on ishning qachondir misi chiqib, boshqalarni aldamoqchi bo`lgan odamning...
Yangihayotda 8 oylik chaqalog`ini 10.000 AQSh dollar evaziga sotmoqchi bo`lgan ayolga hukm o`qildi

04.08.2021, 19:19

Jinoyat ishlari bo`yicha Yangihayot tuman sudi raisi Baxrom Tashpulatovning raisligida o`tgan ochiq sud majlisida 8 oylik chaqalog`ini 10.000 AQSh dollar evaziga qonunga xilof ravishda sotmoqchi...
Prezident “Sudlar to`g`risida”gi yangi Qonunni imzoladi. Unga ko`ra...

29.07.2021, 16:49

Qonunga ko`ra, barcha sudlarda ishlar ochiq ko`riladi. Ishlarni yopiq sud majlisida ko`rib chiqishga faqat qonunda belgilangan hollarda yo`l qo`yiladi. Sud majlisi zalida hozir bo`lgan shaxslar, ommaviy...