Havo sifatini monitoring qiluvchi yangi geopоrtal va mobil ilova yaratildi. Bu haqda AOKAda Gidrometeorologiya markazi rahbarlari, Oliy Majlis Qonunchilik palatasi deputatlari ishtirokida bo`lib o`tgan matbuot anjumanida e`lon qilindi.
Unga ko`ra, aholi yashash punktlarda havo sifatini monitoring qilish hamda gidrometeorologik ma`lumotlarni vizuallashtirish bo`yicha yangi monitoring.meteo.uz geopоrtali yaratilgan, shuningdek mobil ilovasi ham ishga tushirilgan.
MODIS uskunasining modernizasiya qilinishi natijasida kuniga 4 marta respublikaning tog` va tog`oldi hududlarida qor qoplami balandligini o`lchash orqali suv miqdori hisobini yuritish va qishloq xo`jaligi ekinlarining vegetasiya indeksi zichligini aniqlashga erishilgan.
Gidrometeorologiya faoliyatida sun`iy yo`ldosh va erni masofadan zondlash texnologiyalaridan foydalanish, shuningdek, gidrometeorologik ma`lumotlar bilan almashish uchun ma`lumotlar uzatishning yagona telekommunikasiya tarmog`ini yaratish bo`yicha dastur tasdiqlangan.
