Biroz avval hamyurtimiz Islam Aslanov para suzish bo`yicha erkaklar o`rtasida S13 klassida 50 metr masofaga erkin usulda o`tkazilgan final bosqichida ishtirok etdi.
Saralash bahslarida o`z guguhida 1-o`rinni egallagan Islam Aslanov medallar uchun kechgan murosasiz kurashda 23.85 soniya natija qayd etdi va 4-o`rinni egalladi. Sportchimiz 3-o`rinni egallagan ukrainalik raqibidan bor yo`g`i 0.2 soniyaga ortda qoldi.
Eslatib o`tamiz, Aslanov 100 metrga batterflyay usulida suzish bahslarida bronza medalini qo`lga kiritgan va mamlakatimiz sport delegasiyasiga ilk medalni taqdim etgandi. Shu tariqa u Tokio-2020 yozgi Paralimpiya o`yinlaridagi ishtirokini yakunladi.
