Yangi haftani xushxabar bilan boshlaymiz! Hozirgina para-engil atletikaning erkaklar o`rtasida F41 klassida yadro uloqtirish bahslari o`z nihoyasiga etdi.
Quvonarlisi, unda hamyurtimiz Boburjon Omonov Paralimpiya rekordini yangilagan holda oltin medalga sazovor bo`ldi. Boburjon 14.06 metr natija qayd etdi.
Ta`kidlash kerakki, bu borada jahon rekordi ham aynan Omonovga tegishli. Boburjon BAAda bo`lib o`tgan jahon chempionatida 14.31 metr natija bilan dunyo rekordini o`rnatgan edi.
Shu tariqa delegasiyamiz hisobidagi medallar soni 13 taga etdi: 5 ta oltin, 4 ta kumush va 4 ta bronza.
