Tez-tez bir turdagi mahsulotni iste`mol qilayotganingiz, asabiylashganda pista, bodom yohud shokoladni ko`nglingiz tusashi sezgi refleksining «o`yini» emas. Bu organizmingizdagi u yoki bu vitamin zahirasining nurab borayotganidandir. Diqqat qilsangiz, muammo nimada ekanligini bilib olasiz.
• Shokolad bilan «orani ochiq» qilolmayotganingiz organizmingizda magniy moddasi taqchilligi yuzaga kelganini bildiradi. Bu holatda taomnomangizda yong`oq, er yong`og`i, bodom, sariq bulg`or qalampiri, meva va dukkakli don mahsulotlari kiritilishi lozim.
• Xamirli taomlarni ham non bilan iste`mol qilayotgan bo`lsangiz, demak sizda azotning miqdori kamayib ketgan. O`rnini to`ldirish uchun go`sht, baliq, yong`oqlarning barcha turlari hamda dukkakli mahsulotlarga e`tibor qarating.
• Muz bo`laklarini sharbatga solish bilan birga o`zini shu holicha egingiz kelsa, temir moddasi etishmayotgan bo`ladi. Siz uni olcha, dengiz karami, baliq va parranda go`shti hamda ko`katlardan tayyorlangan eguliklardan topasiz.
• Yoqtirgan eguligingiz yog`li taom va gazlangan ichimliklar bo`lsa,bilingki kalsiy moddasiga ehtiyojingiz bor. Brokkoli, pishloq, kunjut, mosh va loviyadan tayyorlangan mahsulotlar bilan muammo echimini topishingiz mumkin.
• Ertalab bir finjon qahva ichmay tetiklasholmaysiz, kun bo`yi tez-tez qora choy ichgingiz keladi – tashhisingiz oltingugurt (sera) etishmasligi. Siz uchun karam, gulkaram, turp, brokoll, zanjabil kabilarni taomnomada ko`paytirish tavsiya etiladi.
• Kechqurun tavsiya etilmasada, shirinlik eysiz. Qovurilgan taomlarga ham yo`q deyolmaysiz...Organizmingizda uglerod kamayib borayapti. Ko`proq meva va sabzavotlarga ixtiyor bering.
• Tuzlamalar jonu dilingiz, sho`r, tuzi ustiga chiqib turgan eguliklarni maza qilib eysiz. Ammo bu holat organizda xloridlar taqchilligi sabab yuzaga keladi-da. Taomnomangizga echki suti, baliq va oshlanmagan dengiz tuzini kiriting.
• So`nggi paytlarda suyuq taomlarni ko`proq iste`mol qilayapsizmi? Balki organizmingiz keraklicha suyuqlik miqdoriga ega bo`lolmayotgandir? Kun davomida 8-10 stakan suv iching, limon yoki laym sharbatini aralashtirib olsangiz foydasi ikki karra ortadi.
• Bir nimalarni tamaddi qilmay ish qilolmaysizmi? Demak sizda triptofan vatirozin (aminokislotalar) etishmovchiligi yuzaga kelgan. Jigar, kartoshka, ismaloq, mayiz eng, shuningdek qizil va olovrang mahsulotlarga ham diqqat qiling.
• Ishtahangiz yo`q, ochiqsangiz ham bazo`r taomlanasiz. Bu hodisa V1 va V2 vitaminlari kamayib ketganida kuzatiladi. Yong`oqlar, pista, baliq va parranda go`shti, loviyadan tayyorlangan eguliklarni sinab ko`ring.
• Tamakiga bo`lgan ehtiyoj kun sayin ortib borayotganligi kremniy, tirozin moddalarining «g`amlab» olishdan darak beradi. Bunda sizga yong`oqlarning barcha turlari, S vitaminiga boy mahsulotlar, qizil va olovrang meva va sabzavotlar asqotadi.
06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...26.12.2017, 13:12
— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...26.12.2017, 13:08
— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...26.12.2017, 11:36
Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...