«Milliy tiklanish» partiyasi nomzodi Alisher Qodirov andijonlik saylovchilar bilan uchrashuvida migrantlardan ham soliq undirish taklifini ilgari surgan edi.
O`zbekiston Davlat soliq qo`mitasi Alisher Qodirovning o`zbekistonlik mehnat migrantlari uchun daromad solig`ini joriy etish haqidagi taklifi yuzasidan izoh berdi.
DSQ matbuot kotibi M.Nazarovning ma`lum qilishicha, prezidentlikka nomzod Alisher Qodirovning bu tashabbusini amalga oshirish uchun hech qanday asos yo`q. Migrantlar uchun daromad solig`i O`zbekiston soliq qonunchiligida yozilmagan. Soliq qo`mitasida hozirda bunday taklif yoki niyat yo`q.
