O`zbekiston Respublikasi Bandlik va mehnat munosabatlari vazirining birinchi o`rinbosari E.Muhitdinov Rossiya Federasiyasida bo`lib turibdi, deya xabar bermoqda Tashqi mehnat migrasiyasi agentligi Axborot xizmati.
Tashrif doirasida Bandlik va mehnat munosabatlari vazirining birinchi o`rinbosari E.Muhitdinov, Tashqi mehnat migrasiyasi agentligi boshlig`i o`rinbosari X.Fayzullaxo`jaev ishtirokida “Dom.59” mas`uliyati cheklangan jamiyati vakillari bilan uchrashuv o`tkazildi.
Uchrashuvda ikki davlat o`rtasida mehnat migrasiyasi sohasida samarali hamkorlik aloqalarini yanada kengaytirish, O`zbekiston fuqarolarini Rossiya Federasiyasiga tashkillashtirilgan holda ishga jalb qilish masalalari muhokama qilindi.
Uchrashuv so`nggida Rossiya Federasiyasi Perm o`lkasidagi yirik qurilish ob`ektlariga O`zbekiston Respublikasi fuqarolarini ishga jalb qilish bo`yicha kelishuvga erishildi.
