Kinematografiya agentligi buyurtmasiga binoan “Vatan” kinostudiyasi tomonidan “Chegara” badiiy filmining suratga olish ishlari davom etmoqda. Bu haqda Agentlik Axborot xizmati xabar bermoqda.
Hozirgi kunda filmning ayrim jangari sahnalari Turkiyaning Gaziantep, Suriyaning Aleppo shahrida olinmoqda. Kinokartinada o`zbek aktyorlari bilan birga taniqli turk aktyorlari Ekrem Ispir, Ahmet Serkan, O`zturk Sezay va boshqalar rollar ijro etgan.
Mazkur kinokartina chegarachilar hayoti, ularning chegara ortidagi mashaqqatli zahmati va kasbiga bo`lgan fidoyiligi haqida yaratiladi. Shuningdek, film voqealari zamirida bag`rikenglik, tinchlik, qo`shni davlatlar bilan tinchlik va do`stona munosabatlar kabi mavzular o`rin olgan.
Ssenariy muallifi va postanovkachi rejissyor Hilol Nasimov, postanovkachi operator Umid Malikov, postanovkachi rassom Isobek Egamberdiev, ovoz operatori Abduqahhor Karimov, ikkinchi rejissyor Jamoliddin Qo`ziboev, kartina direktori Shohrux Nasimov, liboslar bo`yicha rassom Nigora Po`latova.
