Turkiyada bo`lib o`tayotgan “Korkut ata” xalqaro kinofestivalida taniqli kinoijodkorlardan iborat o`zbek delegasiyasi ham ishtirok etmoqda. Festivalning ilk kuni o`zbek kinoijodkorlari tantanali kutib olinib, mehmonlar xalqaro kinofestival dasturi bilan tanishtirildi.
Kuni kecha esa Turkiyada O`zbekiston Kinematografiya agentligi buyurtmasiga binoan suratga olingan rejissyor Ali Hamraevning “Xalq jasorati” va Jahongir Ahmedovning “Ilhaq” filmlari premerasi bo`lib o`tdi. Shuningdek, Kinematografiya agentligi Bosh direktori Firdavs Abduxoliqov tomonidan Turkiya Respublikasi Madaniyat va turizm vaziri Mehmet Ersoyga “O`zbekiston madaniy merosi jahon to`plamlarida” kitob albomi taqdim etildi. Tashkilotchilar ushbu noyob sovg`adan mamnun bo`lganliklarini bildirishdi.
Oldinda kinofestival dasturiga ko`ra, o`zbekistonlik kinoijodkorlar tomonidan “O`zbek kino kunlari” ijodiy kechasi hamda Rashid Malikov rejissyorligida yaratilgan “Tutqunlik” filmining premerasi bo`lib o`tishi rejalashtirilgan. Shu bilan birga, O`zbekiston va Turkiya kinematografistlari hamkorligini ta`minlash yuzasidan videomuloqot, ijodiy uchrashuvlar, badiiy va hujjatli filmlar hamda teleseriallar ishlab chiqarish bo`yicha memorandumlar imzolanishi kutilmoqda.
"Korkut ata” xalqaro kinofestivali 12 noyabrgacha davom etadi.
06.11.2021, 20:21
AQShning Texas shtatidagi Astroworld musiqa festivalida tiqilinch holat tufayli favqulodda holat yuzaga keldi. Bu haqda Reuters xabar berdi. Qayd etilishicha, Xyuston shahrida bo`lib o`tgan yirik konsertda...
25.05.2017, 14:20
Qibray tumanidagi Do`rmon madaniyat saroyida “Yuksak ma`naviyatli avlod” nomli yoshlar festivalining Toshkent viloyati bosqichi bo`lib o`tdi. Respublika Ma`naviyat targ`ibot markazi viloyat bo`limi, viloyat hokimligi, viloyat...
18.05.2017, 14:49
17 may kuni Fransiyada Kann kinofestivali muvaffaqiyatli ravishda ochildi, deb xabar berdi Tvzvezda.ru nashri. Kann kinofestivalining qizil yo`lakchasidan kinoyulduzlar nafis va nazokatli liboslarda o`tishdi. Etmishinchi...
04.05.2017, 13:48
“O`zbekkino” Milliy agentligi Gyote instituti Toshkent filiali va Germaniyaning “Shlingel” xalqaro kinofestivali direksiyasi bilan hamkorlikda 3-7 may kunlari bolalar va yoshlar uchun “Shum bola” IV...
