Туркияда бўлиб ўтаётган “Korkut ata” халқаро кинофестивалида таниқли киноижодкорлардан иборат ўзбек делегацияси ҳам иштирок этмоқда. Фестивалнинг илк куни ўзбек киноижодкорлари тантанали кутиб олиниб, меҳмонлар халқаро кинофестиваль дастури билан таништирилди.
Куни кеча эса Туркияда Ўзбекистон Кинематография агентлиги буюртмасига биноан суратга олинган режиссёр Али Ҳамраевнинг “Халқ жасорати” ва Жаҳонгир Аҳмедовнинг “Илҳақ” фильмлари премьераси бўлиб ўтди. Шунингдек, Кинематография агентлиги Бош директори Фирдавс Абдухолиқов томонидан Туркия Республикаси Маданият ва туризм вазири Меҳмет Эрсойга “Ўзбекистон маданий мероси жаҳон тўпламларида” китоб альбоми тақдим этилди. Ташкилотчилар ушбу ноёб совғадан мамнун бўлганликларини билдиришди.
Олдинда кинофестиваль дастурига кўра, ўзбекистонлик киноижодкорлар томонидан “Ўзбек кино кунлари” ижодий кечаси ҳамда Рашид Маликов режиссёрлигида яратилган “Тутқунлик” фильмининг премьераси бўлиб ўтиши режалаштирилган. Шу билан бирга, Ўзбекистон ва Туркия кинематографистлари ҳамкорлигини таъминлаш юзасидан видеомулоқот, ижодий учрашувлар, бадиий ва ҳужжатли фильмлар ҳамда телесериаллар ишлаб чиқариш бўйича меморандумлар имзоланиши кутилмоқда.
"Korkut ata” халқаро кинофестивали 12 ноябргача давом этади.
06.11.2021, 20:21
АҚШнинг Техас штатидаги Astroworld мусиқа фестивалида тиқилинч ҳолат туфайли фавқулодда ҳолат юзага келди. Бу ҳақда Reuters хабар берди. Қайд этилишича, Хьюстон шаҳрида бўлиб ўтган йирик концертда...
25.05.2017, 14:20
Қибрай туманидаги Дўрмон маданият саройида “Юксак маънавиятли авлод” номли ёшлар фестивалининг Тошкент вилояти босқичи бўлиб ўтди. Республика Маънавият тарғибот маркази вилоят бўлими, вилоят ҳокимлиги, вилоят...
18.05.2017, 14:49
17 май куни Францияда Канн кинофестивали муваффақиятли равишда очилди, деб хабар берди Tvzvezda.ru нашри. Канн кинофестивалининг қизил йўлакчасидан киноюлдузлар нафис ва назокатли либосларда ўтишди. Етмишинчи...
04.05.2017, 13:48
“Ўзбеккино” Миллий агентлиги Гёте институти Тошкент филиали ва Германиянинг “Шлингел” халқаро кинофестивали дирекцияси билан ҳамкорликда 3-7 май кунлари болалар ва ёшлар учун “Шум бола” IV...
