Poytaxtimizning Olmazor tumanidagi “Nurafshon” madaniyat va istirohat bog`i kapital rekonstruksiya qilinib, foydalanishga topshirildi.
Poytaxtimiz ko`rkiga ko`rk qo`shib turgan mazkur madaniyat va istirohat bog`i «Open Garden» mas`uliyati cheklangan jamiyati tomonidan barpo etildi.
Umumiy maydoni 2 gektarni egallagan mazkur bog`da yigirmadan ortiq turli xil zamonaviy attraksionlar o`rnatildi, mavjudlari ta`mirlandi. Bog` hududidagi maydon ko`kalamzorlashtirildi hamda favvoralar bunyod etildi, suv sepish moslamalari o`rnatildi.
Yaxna ichimlik va muzqaymoq bilan savdo qiladigan kafe, fotostudiya, savdo do`koni, stol tennisi, shaxmat-shashka maydonchalari aholi xizmatida.
