SpaceX bosh direktori Ilon Mask xodimlarga dvigatel inqirozi tufayli bankrotlik xavfidan jiddiy ogohlantirdi.
SpaceX kosmik kompaniyasi asoschisi Ilon Mask Raptor raketa dvigatellarini ishlab chiqishdagi kamchiliklardan norozi bo`lib, o`z xodimlariga bu katta inqiroz "bankrotlik xavfini" keltirib chiqarishini aytdi, deb xabar berdi CNBC'ga tayanib RIA Novosti.
Qayd etilishicha, inqirozga sabab bo`layotgan raptor — suyuq metan va kislorodda ishlaydigan yopiq siklli yonilg`i raketa dvigatelidir va Mask undan Starshipda foydalanishni kutayotgandi.
"Raptor ishlab chiqarishdagi inqiroz xafi bir necha hafta avval sezilganidan ancha yomonroq. Kelgusi yilda Starship chastotasiga kamida ikki haftada bir marta erisha olmasak, biz haqiqiy bankrotlik xavfiga duch kelamiz", deydi Mask.
