Tramvay yo`llarini demontaj qilish va yo`llarga asfalt yotqizish ishlari olib borilayotgani sababli poytaxtdagi bir nechta ko`chalar yopib qo`yildi. Bu haqda “Uz24.uz” xabar bermoqda.
Hozirda Cho`ponota ko`chasining Oqtepa maydoniga olib chiqadigan qismi yopib qo`yilgan. U erda 9-tramvay liniyasi demontaj qilinmoqda.
Shuningdek, Ichki ishlar vazirligi binosidan «Oybek» metro bekatigacha bo`lgan yo`l qismi ham yopib qo`yilgan — u erda 13-tramvay yo`nalishi o`tgan yo`l asfaltlanmoqda.
Mustaqillik ko`chasi bo`ylab harakat cheklangan.
