Ayni paytdada Toshkent viloyati IIBB xodimlari tomonidan Toshkent tumani «G`isht ko`prik» bojxona chegara posti yaqinida tezkor tadbir o`tkazilmoqda, deya xabar bermoqda Toshkent viloyati IIBB matbuot xizmati.
Tadbir davomida SSV nomidan (PSR) qalbaki ma`lumotnomalarini tayyorlab, uni pullayotgan shaxs dalillar bilan ushlandi.
Hozirda holat yuzasidan dastlabki surishtiruv ishlari olib borilmoqda.
"Shu o`rinda ijtimoiy tarmoq foydalanuvchilaridan bir yoqlama e`lon qilingan axborotlarni tarqatmasliklarini, fuqarolardan xizmat vazifasini bajarayotgan hokimiyat vakili (IIO xodimi)ga qarshilik ko`rsatmaslikni va faoliyatiga xalal bermaslikni so`raymiz.
Bu holatlar qonunchilikda belgilangan tartibda javobgarlikka sabab bo`ladi", - deyilgan tezkor xabarda.
