17 dekabr kuni Toshkentda professional boks kechasi (Boxing Night 2) bo`lib o`tdi. Unda 7 nafar o`zbekistonlik bokschi ringga ko`tarildi.
Aytish kerakki, oqshom janglarida ringga ko`tarilgan barcha bokschilarimiz g`alaba qozonishga muvaffaq bo`lishdi.
Quyida jangchilarimiz ishtirokidagi natijalar bilan tanishingiz mumkin:
-79,39 kg vaznda Dilshodbek Ro`zmetov rossiyalik Maksim Smirnovni 6 raundlik jangda ochkolar evaziga mag`lub etdi;
-69,85 kg vazn Iqboljon Xoldorov belaruslik Dmitriy Miliushani 1-raunddayoq nokaut qildi;
-58,97 kg vaznda Elnur Abduraimov Filippin vakili Jon Geminoni 6-raundda nokautga uchratdi;
-80,29 kg vaznda Bektemir Meliqo`ziev rossiyalik Sergey Ekimovni 8 raundlik jangda ochkolar evaziga mag`lub etdi;
-48,99 kg vaznda Hasanboy Do`smatov 4-raunddan so`ng Xose Rivasni (Meksika) texnik nokautga uchratdi;
-64,86 kg vaznda Shahram G`iyosov 10 raundlik jangda argentinalik Kristian Koriani ochkolar evaziga ko`ra mag`lub etdi;
-69,85 kg vaznda Isroil Madrimov fransiyalik Mishel Soroni to`qqizinchi raundda texnik nokautga uchratdi.
