"Chelsi" hujumchisi Romelu Lukaku klub rahbariyati va bosh murabbiy bilan o`zaro kelishmovchilikga duch keldi. Bu haqda The Sun xabar berdi.
Qayd etilishicha, belgiyalik futbolchi klubdan va bosh murabbiy Tomas Tuxelni taktikasidan norozi ekanini jurnalistlar bilan suhbatda oshkor qildi. Keyinchalik germaniyalik mutaxassis Lukakuni "Liverpul"ga qarshi kechgan o`yin qaydnomasiga kiritmadi.
Ma`lumotlarga ko`ra, Romelu "Chelsi"ni tark etmoqchi hamda faoliyatini "Tottenhem"da davom ettirmoqchi. Ayni vaqtda "shporlar"ni Lukakuning sobiq ustozi Antonio Konte boshqarmoqda. Ikkisi "Inter"da birga ishlagan.
