Hukumat qarori (3-son, 03.01.2022 y.) bilan Ko`p kvartirali uylarni boshqarish faoliyatini amalga oshirish qoidalari tasdiqlandi. Bu haqda Adliya vazirligi xabar berdi.
Nizomga muvofiq, ko`p kvartirali uylarni boshqarish faoliyati uy-joydan foydalanishda qulay va xafsiz sharoitlarni yaratish, umumiy mol-mulkni saqlash va undan foydalanish uchun zarur xizmatlar va ishlarni qamrab oladi.
Ko`p kvartirali uyni boshqarish organi uyga kirish qismida quyidagi ma`lumotlarni doimiy joylashtirib borishi shart:
- boshqarish organining nomi, manzili, telefoni, ish tartibi, veb-sayti;
- kommunal xizmat ko`rsatuvchi tashkilotlarniing aloqa telefonlari;
ta`mirlash ishlari vaqti; - majburiy badal, ko`rsatiladigan xizmatlar uchun to`lov miqdori.
Boshqarish organi avariya vaziyatlarini bartaraf etadigan 24 soat ishlaydigan avariya-dispetcherlik xizmatini tashkil etishi kerak.
Bunda avariya-dispetcherlik xizmati mulkdorlarning qo`ng`iroqlariga 3 minutdan ko`p bo`lmagan vaqtda javob berishi lozim.
Shuningdek, xonadonlardagi kanalizasilar tiqilib qolganida va ifloslanish holatlari bo`lganida bu holatlar 2 soatda bartaraf etilishi kerak.
Sovuq, issiq suv, issiqlik va elektr ta`minoti va kanalizasiya avariyaviy shikastlanganda bu holatlar 3 kunda bartaraf etiladi.
