"PSJ" hujumchisi Neymar jiddiy jarohat tufayli anchadan buyon jamoasiga yordam bera olmayotgan edi. Uning qachon safga qaytishi haqida ma`lumot berildi. Bu haqda RMC Sport xabar berdi.
Ma`lum qilinishicha, braziliyalik futbolchi jarohatidan keyingi tiklanish jarayonini boshlagan. Ko`proq jismoniy mashqlarga zo`r bermoqda. Neymar 6 fevral kuni Fransiya chempionati doirasidagi "Lill"ga qarshi o`yinda maydonga tushishi mumkin.
30 yoshli futbolchi 15 fevral kuni Evropa Chempionlar ligasida "Real"ga qarshi Parijda kechadigan bahsga qadar to`liq sport formasini tiklab olmoqchi.
